lundi 3 décembre 2007

القناة الوطنية تروج للقمار

مازاناش لعبة صنادق القماراللي تجيب فيها تلفزتنا المحنونة و اللي تزيد تعلم الشعب اللي دايجا يحب اللعب و يكره التعب التكركير و البخل. اهو الأحد الرياضي يزيد يطمع الناس في الربح الساهل باش يزيدو في التكركير, و أول حاجة يجيبوها في هالبرنامج واحد من صفاقس ربح في البروموسبور 7 مرات(سبعة) قرابة ال400 مليون و ماشين يصورولنا في دار ها السيد شاطو يعمل نص مليار و قولف 5 و يزيدو يوريونا وين كان يسكن في حومة مميزرة.
توا بربي هذا معقول الدنيا باش تاكل بعضها و الصين قريب تفشخ الإقتصاد متاعنا و التلفزة الوطنية تزيد تشجع العباد عالتواكل و الفلوس الساهلة باش يخليو العباد عايشين في الحلم.
اللي موش عادي هو انو تونس 77 تاخو في ضريبة على كل تسكرة ضو حتى للي ما يتفرجش عليها (و الي هوما الأكثرية) و تزيد تعمل مسابقات اس- ام- اس و برامج قمار واشهار للبروموسبورتقولشي عليه ماززاوهاش فلوس الضرائب
وباش يزيدو في الخرم يستدعيو مدرب الملعب التونسي روبارتينو باش يكسرلنا البطاطة بالفرانساي المدقدق متاعو في بالهم يتبعو برنامج بالمكشوف
آه و برا

2 commentaires:

Tarek a dit…

حالة حليلة

حااااااالة حليييييييييلة
!!!

wass010 a dit…

essabr we barra!
ti 7atta le3bet essnada9 mouch na9sa...